வீட்டு தந்தூரி சிக்கன் ரெஸிபி

தந்தூரி சிக்கனை ஹோட்டலில் வாங்கினால் விலை அதிகம் இருக்கும். விலை அதிகமாக இருக்கிறதே என்று சாப்பிடாமலும் இருக்க முடியாது. இதற்கு அருமையான ஐடியா கொடுக்கிறார் சென்னை வில்லிவாக்கத்தில் உள்ள ஹைதராபாத் மொகல் பிரியாணி ஹோட்டலின் சமையல் கலைஞர். வீட்டிலேயே மணக்க மணக்க இந்த தந்தூரி சிக்கனை செய்து சாப்பிடலாமாம்.

அவர் கொடுக்கும் டிப்ஸைப் பாருங்களேன்...

தேவையான பொருட்கள்

சிக்கன் – முழு கோழி

தந்தூரி மசாலா - 5 டேபிள் ஸ்பூன்

வினிகர் - 3 டீ ஸ்பூன்

எலுமிச்சை - 2

இஞ்சி, பூண்டு பேஸ்ட் – 3 டீ ஸ்பூன்

தயிர் – அரை கப்

உப்பு – தேவையான அளவு

தந்தூரி அடுப்பு செய்ய

செங்கல் - 4

மணல் – ஒரு தட்டு

அடுப்பு கரி – அரை தட்டு

கம்பி – 8

தந்தூரி சிக்கன் செய்முறை

முழு கோழியை நான்கு துண்டாக வெட்டி கழுவி சுத்தம் செய்துக் கொள்ளவும். பின் அதில் தந்தூரி சிக்கன் மசாலா, வினிகர், உப்பு, தயிர், இஞ்சிப் பூண்டு, எலுமிச்சை சாறு சேர்த்து 2 மணி நேரம் ஊறவிடவும்.

மணலை பரப்பி அதன் மேல் செங்கலை வைத்து அதில் கரிதுண்டை போட்டு நெருப்பு மூட்டவும். நெருப்பு கங்கு நன்றாக இருக்க வேண்டும். செங்கலின் மேல், கம்பிகளை குறுக்கும் நெடுக்குமாக அடுக்கவும். கம்பியின் மேல் மசாலா தடவி ஊற வைத்திருக்கும் கோழி துண்டுகளை வைத்து அடுக்கவும்.

ஒரு அகலமான பாத்திரம் கொண்டு மூடவும்.10 நிமிடம் கழித்து திருப்பி போட்டு வேகவைக்கவும். சுவையான தந்தூரி சிக்கன் ரெடி. எண்ணெய் தேவையில்லாத இந்த சிக்கன் அனைவருக்கும் ஏற்றது.

பிறகென்ன அடுப்பைப் போட்டு அசத்தலான தந்தூரி சிக்கனை சமைத்து ஒரு கை பார்க்க வேண்டியதுதானே...!

English summary

Classic Tandoori chicken from India is marinated in yogurt, lemon juice, and plenty of spices, then grilled or broiled.

சிக்கன் மஞ்சூரியன் ரெஸிபி

மஞ்சூரியன் என்பது சீன வகை உணவு. சைவம், அசைவத்திலும் மஞ்சூரியன் செய்யலாம். காரமான, புளிப்பான சாஸ் போல இருக்கும். ட்ரை, கிரேவி என இரண்டு வகையாக மஞ்சூரியன் செய்யப்படுகிறது. ஹோட்டல்களில் ப்ரைடு ரைஸ் ஆர்டர் செய்பவர்கள் சைடாக மஞ்சூரியன் சொல்ல மறக்கமாட்டார்கள். வீட்டிலேயே எளிதாக சிக்கன் மஞ்சூரியன் செய்யலாம் என கூறியுள்ளார் வில்லிவாக்கம் ஹைதராபாத் சிக்கன் பிரியாணி ஹோட்டல் சமையல் கலைஞர். அவர் கூறும் ரெஸிபியை கேளுங்களேன்.

தேவையான பொருட்கள்

எலும்பு நீக்கிய கோழிக்கறி - 400 கிராம்

முட்டை – ஒன்று

கார்ன்ப்ளவர் - 6 மேசைக்கரண்டி

மைதா – 1 மேசைக்கரண்டி

உப்பு - தேவையான அளவு

சோயா சாஸ் - 2 மேசைக்கரண்டி

இஞ்சி விழுது - 2 டீ ஸ்பூன்

பொடியாக நறுக்கிய பூண்டு – கால் கப்

பூண்டு குடை மிளகாய் - ஒன்று

பெரிய வெங்காயம் - ஒன்று

பச்சை மிளகாய் - 3

வெங்காயத்தாள் - 2

எண்ணெய் - 4 மேசைக்கரண்டி

அஜினோமோட்டோ - கால் தேக்கரண்டி

வினிகர் - 2 மேசைக்கரண்டி

மஞ்சூரியன் செய்முறை

கோழிக்கறியினை கழுவி சுத்தம் செய்து பின் விரல் நீளத் துண்டுகளாக வெட்டிக் கொள்ள வேண்டும். அகலமான பாத்திரத்தில் 2 மேசைக்கரண்டி கார்ன்ப்ளவர், ஒரு மேசைக்கரண்டி மைதா, சோயா சாஸ், முட்டை, தேவையான அளவு உப்பு ஆகியவற்றை சேர்க்க வேண்டும். இதில் சிக்கனை சேர்ந்து நன்கு கலந்து சுமார் அரை மணி நேரம் ஊறவிடவேண்டும்.

ஒரு வாணலியில் எண்ணெய் ஊற்றி, ஊறவைத்துள்ள கோழித் துண்டங்களைப் போட்டு முன்று நான்கு நிமிடங்களுக்கு வேக வைத்துப் பொரித்து எடுத்து, தனியாக வைத்துக்கொள்ளவும்.

வெங்காயத்தை நறுக்கி கொள்ளவும். குடை மிளகாயைக் கழுவி, விதைகளை நீக்கி மெல்லிய நீளத் துண்டுகளாக நறுக்கிக் கொள்ள வேண்டும். வெங்காயத் தாளினையும் நீளவாக்கில் குறுக்காக வெட்டி வைத்துக்கொள்ளவும். மீதமுள்ள கார்ன் ப்ளவரை ஒரு கப் தண்ணீரில் கரைத்துக் கொள்ள வேண்டும்.

வாணலியில் 4 மேசைக்கரண்டி எண்ணெய் விட்டு நறுக்கிய பூண்டு, இஞ்சி விழுது போட்டு இலேசாக வதக்க வேண்டும். அத்துடன் நறுக்கின வெங்காயம், பச்சை மிளகாய் சேர்த்து மேலும் ஒரு நிமிடம் வதக்க வேண்டும். அதன் பிறகு சோயா சாஸ், அஜினோமோட்டோ, தேவையான உப்பு சேர்த்து நன்கு கொதிக்கவிட வேண்டும்.

பிறகு கரைத்து வைத்துள்ள கார்ன்ஸ்டார்ச்சினை ஊற்றிக் கலக்கி குழம்பு கெட்டியாகும் வரை நன்கு கலந்து வேகவிட வேண்டும். அதில் வறுத்து வைத்துள்ள கோழித் துண்டங்களைச் சேர்த்து சில நிமிடங்களுக்கு வேக விட வேண்டும். பின்னர் நறுக்கின குடை மிளகாய் சேர்த்து அடுப்பை சிம்மில் வைக்கவும். இறக்குவதற்கு முன்பு வினிகர் கலந்து, வெங்காயத் தாளினைத் தூவி சூடாகப் பரிமாறலாம். சுவையான சிக்கன் மஞ்சூரியன் ரெடி. எளிதாக செய்யலாம். நீங்களும் செய்து பார்த்து அசத்துங்களேன்.

தம் ஆலு மசாலா

உருளைக்கிழங்கு என்றாலே குழந்தைகளுக்கு பிடித்தமானது. ப்ரை, பொடிமாஸ், குருமா என எப்படி செய்து கொடுத்தாலும் சாப்பிடுவார்கள். சின்ன சின்ன உருளைக்கிழங்கினை முழுதாக போட்டு செய்யக்கூடிய தம் ஆலு மசாலா குட்டீஸ்களுக்கு விருப்பமான உணவு. செய்து கொடுங்களேன்.

தேவையான பொருட்கள்

சின்ன உருளைக்கிழங்கு - கால் கிலோ
பெரியவெங்காயம் – 2
தக்காளி-1
இஞ்சி பூண்டு விழுது - 3 டீ ஸ்பூன்
தனியா தூள்- 2 ஸ்பூன்
மிளகாய் தூள்- அரை ஸ்பூன்
ஆலு மசாலா பவுடர்- 2 ஸ்பூன்
தயிர்-4 ஸ்பூன்
உப்பு-தேவைக்கு
எண்ணெய்- 2 மேசை கரண்டி
கொத்தமல்லி-சிறிதளவு

ஆலு மசாலா செய்முறை

உருளைக்கிழங்கை நன்றாக கழுவி முழுதாக வேக வைத்து தோலுரித்துக்கொள்ளவும். வெங்காயத்தை பொடியாக நறுக்கிக்கொள்ளவும்

வாணலியில் எண்ணெய் விட்டு வெங்காயம் பொன்னிறமாக வதக்கவும். பின்னர் இஞ்சி பூண்டு சேர்த்து வாசனை போகும் வரை வதக்கவும். தக்காளி சேர்த்து குழைய வதக்கவும். இத்துடன் தனியா தூள், மிளகாய் தூள், ஆலு மசாலா பவுடர்,உப்பு சேர்த்து கிளறவும்.

தயிர் சேர்த்து என்ணெய் பிரியும் வரை வதக்கவும். இந்த மசாலா உடன் உருளைக்கிழங்கை சேர்த்து மசாலா ஒட்டும் வரை பிரட்டவும். அடுப்பினை சிம்மில் வைத்து சுருள விடவும். அடுப்பை நிறுத்திவிட்டு உருளைக்கிழங்கின் மீது நறுக்கிய கொத்தமல்லி தூவவும். தம் ஆலு மசாலா தயார்.

தயிர் சாதத்திற்கு ஏற்ற சைடு டிஸ், சப்பாத்தி, பூரிக்கும் தொட்டுக்கொள்ளலாம்.

காரசார லெமன் சிக்கன் ரெஸிபி

சிக்கன் அனைவருக்கும் பிடித்தமான உணவு. இதனுடன் எலுமிச்சை சேர்த்து செய்வது ருசியை அதிகரிக்கும். இந்த முறையில் சிக்கன் செய்தால் குறைந்த கொழுப்பு சத்து மட்டுமே கிடைக்கும் என்பதால், பெரியவர்கள், குழந்தைகளுக்கு தைரியமாக கொடுக்கலாம். கொழுப்பு சத்தினையும் குறைக்கும்.

தேவையான பொருட்கள்:

சிக்கன் இறைச்சி - 4 மார்பு துண்டங்கள்
எலுமிச்சை சாறு - 3 மேசைக்கரண்டி
சிக்கன் ஸ்டாக் - 2 கப்
கார்ன்ஃப்ளவர் - 6 மேசைக்கரண்டி
பச்சை மிளகாய் 4
பச்சை குடை மிளகாய் - 1
வெள்ளை மிளகுத்தூள் – அரை டீ ஸ்பூன்
ஜாதிக்காய் - ஒன்று
எண்ணெய் - 2 டேபிள் ஸ்பூன் ( பொரிக்க தனியாக )
உப்பு - தேவையான அளவு

லெமன் சிக்கன் செய்முறை

கோழி மார்புத் துண்டங்களாக தேர்ந்தெடுத்து எலும்புகளை நீக்கி, நன்கு கழுவி சுத்தம் செய்து கொள்ளவும்.

ஒரு மேசைக்கரண்டி அளவு எலுமிச்சை சாறு எடுத்து அதில் தேவையான அளவு உப்பு சேர்த்து கோழித் துண்டங்கள் மீது தடவி ஊறவிடவும்.

இரண்டு மேசைக்கரண்டி கார்ன்ப்ளவரை அரை கோப்பை நீரில் கரைத்துக் கொள்ளவும்.

குடை மிளகாயை விதைகளை நீக்கி விட்டு ஒவ்வொன்றையும் ஒவ்வொரு விதமான வடிவத் துண்டுகளாக நறுக்கிக் கொள்ளவும்.

ஒரு வாணலியில் பொரிக்கும் அளவிற்கு எண்ணெய் விட்டு, சூடேறியதும் ஊற வைத்துள்ள கோழித் துண்டங்களை கார்ன்ஃப்ளவரிவ் பிரட்டி எண்ணெய்யில் போட்டு பொரித்து எடுக்கவும்.

பொன்னிறமாக வெந்தவுடன் எடுத்து எண்ணெய் உறிஞ்சும் காகிதத்தில் போட்டு எண்ணெய்யை வடிக்கவும்.

பிறகு ஒரு தவாவில் இரண்டு மேசைக்கரண்டி எண்ணெய் விட்டு நறுக்கி வைத்துள்ள பச்சைமிளகாய், குடை மிளகாய் துண்டங்களைப் போட்டு லேசாக வதக்கவும். அத்துடன் வெள்ளை மிளகுத் தூள், உப்பு, ஜாதிக்காய், துருவிய எலுமிச்சைத் தோல், சிக்கன் ஸ்டாக் ஆகியவற்றை சேர்த்து கொதிக்கவிடவும்.

நன்கு கொதிக்கும் போது கரைத்து வைத்துள்ள கார்ன்ஃப்ளவரை ஊற்றிக் கலந்து மிதமான தீயில் வேகவிடவும்.

குழம்பு கெட்டியானவுடன் பொரித்து வைத்துள்ள கோழித் துண்டங்களைப் போட்டு மேலும் சில நிமிடங்கள் குறைந்த தீயில் வேகவிடவும். மீதமுள்ள எலுமிச்சை சாற்றினை ஊற்றிக் கலந்து இறக்கி சூடாகப் பரிமாறவும்.

சப்பாத்தி மட்டன் ரோல் ரெஸிபி

                                             

வீடுகளில் சாதரணமாக சப்பாத்திக்கு காய்கறி குருமாவோ, சிக்கன், மட்டன் கிரேவியோ செய்து கொடுப்பார்கள். கிரேவி தொட்டு சாப்பிட சோம்பேரித்தனம் பட்டுக்கொண்டு குழந்தைகள் வெறும் சப்பாத்தியை சாப்பிடுவார்கள். குழந்தைகளை மட்டன், சிக்கன் சாப்பிட வைக்க அதை சப்பாத்தியினுள் வைத்து ரோல் மாதிரி செய்து கொடுக்கலாம். இன்னும் ஒரு சப்பாத்தி ரோல் குடுங்க அம்மா என்று கேட்டு சாப்பிடுவார்கள்.

தேவையான பொருட்கள்

கோதுமை மாவு – ஒரு கப்
மட்டன் கொத்துக்கறி – 200 கிராம்
சின்னவெங்காயம் – 50 கிராம்
தக்காளி – 1
மட்டன் மசாலா தூள் - 1 டீஸ்பூன்
எண்ணெய் – 4 டீ ஸ்பூன்
முட்டை - 1
உப்பு - தேவையான அளவு

செய்முறை:

கோதுமை மாவில் சிறிதளவு உப்பு போட்டு, தண்ணீர் ஊற்றி சப்பாத்தி மாவு பதத்திற்கு பிசைந்து 10 நிமிடம் ஊறவைக்கவும். சப்பாத்திகளை உருட்டி தாவாவில் போட்டு செய்து வேகவைத்து எடுத்துக்கொள்ளவும்.

மசாலா செய்முறை

கொத்துக்கறியை நன்றாக கழுவி வைக்கவும். ப்ரசர் ஃபேனை அடுப்பில் வைத்து அதில் எண்ணெய் ஊற்றி காய்ந்த உடன் கறிவேப்பிலை, வெங்காயம் போட்டு வதக்கவும். பொன்னிறமாக வதங்கிய உடன் இதில் தக்காளியை நறுக்கி போட்டு நன்றாக வதக்கவும். இதனுடன் கொத்துக்கறியை சேர்த்து சிறிதளவு மஞ்சள் தூள், உப்பு, மட்டன் மசாலா சேர்த்து வதக்கவும். லேசாக தண்ணீர் தெளித்து மூடி போட்டு மூன்று விசில் விடவும். மட்டன் நன்றாக வெந்து விடும்.

சப்பாத்தி அளவிற்கு முட்டையை நன்றாக அடித்து அதில் சின்ன வெங்காயம், கறிவேப்பிலை, உப்பு சேர்த்து ஆம்லேட் செய்து கொள்ளவும்

சப்பாத்தி ரோல்

சப்பாத்தியின் மேல் ஆம்பலேட் வைத்து ஆம்பலேட்டின் மேலே செய்து வைத்துள்ள கொத்துக் கறி மசாலாவை வைத்து சப்பாத்தியை சுருட்டவும். இந்த சப்பாத்தி ரோலுடன் தக்காளி சாஸ் சேர்த்து சாப்பிடலாம் கொத்துக் கறி மசாலாவிற்கு பதிலாக வெஜிடேபிள் மசாலா சிக்கன் மசாலா எது வேண்டுமானாலும் பயன்படுத்தலாம். குட்டீஸ்க்கு விருப்பமான சப்பாத்தி ரோல் ஈசியா செய்யலாம்.

English summary

Make delicious Chapati Rolls using this simple recipe from Awesome Cuisine.

சுவையான சேமியா அடை

                                       

சேமியா என்றால் குழந்தைகளுக்கு மிகவும் பிடிக்கும். இதுவரை சேமியாவில் உப்புமா, தேங்காய்ப் பால் என்று தான் குழந்தைகளுக்குச் செய்து கொடுத்திருப்போம். இப்போது சிறந்த ஈவினிங் ஸ்நாக்ஸாக சேமியா அடை செய்து கொடுப்போமா!!

தேவையான பொருட்கள்

சேமியா - ஒரு கப்

கெட்டி தயிர் - ஒரு கப்

அரிசி மாவு - ஒரு கப்

பெரிய வெங்காயம் - 1

மிளகாய்த்தூள் - 1 டேபிள் ஸ்பூன்

உப்பு தேவையான அளவு

எண்ணெய், மல்லித்தழை, கறிவேப்பிலை

செய்முறை

சேமியாவை ஒரு பாத்திரத்தில் போட்டு வறுத்து எடுத்துக் கொள்ளவும். வெங்காயத்தை சிறிது சிறிதாக நறுக்கிக் கொள்ளவும். அந்த வறுத்த சேமியாவைத் தயிரில் போட்டு 20 நிமிடம் ஊறவிடவும். பிறகு அதில் அரிசி மாவு, மிளகாய்த்தூள், மல்லித்தழை, கறிவேப்பிலை, உப்பு போட்டுக் கலக்கவும்.

பின்னர் ஒரு கடாயை அடுப்பில் வைத்து அதில் எண்ணெய் ஊற்றி நறுக்கிய வெங்காயத்தைப் போட்டு வதக்கவும். பிறகு இதனை அந்த கலவையில் போட்டு கலக்கவும்.

பிறகு தவாவை காய வைத்து சிறிது மாவை எடுத்து உருண்டையாக அடையாக தட்டவும். சுற்றி எண்ணெய் ஊற்றி இரு புறமும் வெந்ததும் எடுக்கவும்.

இதோ சுவையான சேமியா அடை ரெடி! இதனை சட்னி அல்லது சாஸூடன் சாப்பிடலாம்.

English summary

Make delicious semiya ada using this simple recipe from Awesome Cuisine.

வித்தியாசமான மாம்பழ கேசரி

                                            

பொதுவாக கேசரியை ஏதேனும் பண்டிகை தினங்களில் செய்வோம். இதுவரை நாம் அவில் மற்றும் ரவையில் தான் கேசரி செய்திருப்போம், இப்போது புதிதாக மாம்பழத்தில் கூட கேசரி செய்யலாம். இது குழந்தைகளுக்கு மிகவும் பிடித்தமான ஒரு இனிப்பாக இருக்கும். தற்போது சீசன் காலம் என்பதால் மாம்பழம் எளிதில் கிடைக்கும். மாம்பழ கேசரி எப்படி செய்வதென்று தெரிந்து கொள்ளுங்களேன்.

தேவையான பொருட்கள் :

ரவை – ஒரு கப்
பால் - ஒரு கப்
சர்க்கரை – ஒரு கப்
மாம்பழக்கூழ் – அரை கப்
தண்ணீர் – ஒரு கப்
முந்திரி, திராட்சை - 3
நெய் - 6 மேஜை கரண்டி
உப்பு - ஒரு சிட்டிகை

செய்முறை :

ஒரு வாணலியில் சிறிதளவு நெய்யை ஊற்றி அதில் ரவையைப் போட்டு பொன்னிறமாக வரும் வரை வறுத்து எடுத்து தட்டில் வைத்துக் கொள்ளவும். பின் சிறிது நெய் ஊற்றி அதில் முந்திரி, திராட்சை ஆகியவற்றை வறுக்கவும்.

மாம்பழக்கூழுடன் பால், தண்ணீர் மற்றும் சர்க்கரை சேர்த்து கொதிக்க கொள்ளவும்.

பின்னர் ஒரு அகலமான பாத்திரத்தில் தண்ணீரை விட்டு கொதித்த உடன் அதில் வறுத்த ரவையை போட்டு கிளரவும். ரவை பாதி வெந்து கெட்டியாக வரும் போது மாம்பழக் கூழ் கலவையை சேர்த்து கிளறவும். கேசரி கெட்டியானதும் இறக்கிவிடவும். அதன்மேல் வறுத்த முந்திரி, திராட்சையை தூவி அலங்கரிக்கவும். இதோ சுவையான வித்தியாசமான மாம்பழ கேசரி ரெடி.

English summary

Mango flavored Kesari is a south Indian delight made with sugar and rightly flavored with mangoes.

அன்னையர் தினம் : உருளை கிழங்கு பீன்ஸ் சாலட்

                                         

தினந்தோறும் அம்மாவின் கையால் சமைத்த உணவை சாப்பிடுகிறோம். அன்னையர் தினத்தன்று அம்மாவிற்கு பிடித்த உணவை நம் கையால் சமைத்து கொடுக்கலாம். உருளைக் கிழங்கு பீன்ஸ் சாலட் அம்மாவிற்கு ஏற்ற சத்தான சைவ உணவு. 10 நிமிடத்தில் எளிதாக செய்யலாம்.

தேவையான பொருட்கள்

வேகவைத்த உருளைக்கிழங்கு – 4
வேகவைத்த சிகப்பு பீன்ஸ் – 2 கப்
குடை மிளகாய் – 1
மிளகுத்தூள் – 1 டீ ஸ்பூன்
உப்பு – தேவையான அளவு
கொத்தமல்லி – அலங்கரிக்க சிறிதளவு
வெங்காயம் – வட்டமாக நறுக்கியது
ஆயில் – 1 டீ ஸ்பூன்
எலுமிச்சை சாறு – அரை மூடி

சாலட் செய்முறை

அடுப்பில் வாணலியை வைத்து எண்ணெயை ஊற்றவும். அதில் உருளைக்கிழங்கை வேண்டிய வடிவத்தில் நைசாக கட் செய்து போடவும்.

அதனுடன் வேகவைத்தை ராஜ்மா( பீன்ஸ் ) சேர்த்து கிளறவும். இதனுடன் குடை மிளகாயை கட் செய்து போடவும். இதன் மேல் உப்பு, மிளகுத்தூள் தூவவும். ஸ்டவ்வை அனைத்து விடலாம். 5 நிமிடத்தில் உருளை, பீன்ஸ் சாலட் ரெடி இந்த கலவையின் மேல் கொத்தமல்லி, பெரிய வெங்காயம் சேர்த்து அலங்கரித்து பரிமாறலாம். அன்னைக்கு ஏற்ற சத்தான உணவு இது.

English summary

Potato Kidney Bean Salad is a popular Salad recipe. Learn how to make/prepare Aloo Rajma ka Salad .

சிக்கன் கட்லெட் ரெஸிபி

                                       

தேவையான பொருட்கள்

எலும்பில்லாத சிக்கன் -200 கிராம்

ப்ரட் துண்டுகள் -6

பெரிய வெங்காயம் -1

பச்சைமிளகாய் -2

மல்லி இலை -சிறிதளவு

மிளகாய்தூள் -1 டீஸ்பூன்

மஞ்சள்தூள் -1 டீஸ்பூன்

எண்ணெய் -பொரிக்க தேவையான அளவு

உப்பு - தேவையான அளவு

கட்லெட் செய்முறை

ப்ரட்டை தூளாக உதிர்த்துக் கொள்ள வேண்டும்.

சிக்கனை உப்பு, மிளகாய்த்தூள், மஞ்சள்தூள் போட்டு வேக வைத்து பொடியாக கொத்திக் கொள்ளவும்.

ப்ரட், சிக்கன், இவற்றுடன் வெங்காயம், பச்சைமிளகாய், மல்லி இலை அனைத்தையும் மிக்ஸியில் போட்டு வடைக்கு அரைப்பது போல் கர கரப்பாக அரைத்துக் கொள்ளவும்.

இதனை வேண்டிய வடிவில் கட்லட் போல செய்து எண்ணெயிலிட்டுப் பொரித்து எடுக்கவும். எண்ணெய் அதிகம் வேண்டாம் என்று நினைப்பவர்கள் தோசை தவாவில் வைத்து மேலோட்டமாக எண்ணெய் ஊற்றி பொரித்துக் கொள்ளவும்.

சுவையான சிக்கன் கட்லெட் ரெடி. தக்காளி சாஸ் தொட்டு சாப்பிடலாம். விடுமுறை கால மாலை நேர சிற்றுண்டி இது.

English summary

Chicken cutlet recipe is a mouth watering dish. It is easy to making.

ருசியான ஆட்டுக்கால் பாயா...

                                       

ஆட்டுக்கால் பாயா என்றால் அனைவருக்கும் முதலில் நினைவுக்கு வருவது அதன் ருசி தான். இது உடலுக்கு மிகவும் நல்லது. இதில் மிளகு அதிகமாக சேர்க்கும் போது சுவையோடு மணமும் சேர்ந்து நம்மை இன்னும் கவர்கிறது. சரி பெப்பர் பாயா எப்படி செய்யலாம் என்று பார்ப்போம்.

தேவையான பொருட்கள் :

ஆட்டுக்கால் - 2
தக்காளி - 4
வெங்காயம் - 2
மிளகாய்த்தூள் - 1 ஸ்பூன்
தனியாத்தூள் - 1 ஸ்பூன்
மஞ்சள் தூள் - 1/2 ஸ்பூன்
பச்சை மிளகாய் - 3
மிளகுத்தூள் - 4 ஸ்பூன்
இஞ்சிபூண்டு விழுது - 4 ஸ்பூன்
தேங்காய்ப்பால் - 2 கப்
உப்பு - தேவையான அளவு

செய்முறை:

ஆட்டுக்காலை நன்கு சுத்தம் செய்து கொள்ளவும். வெங்காயம், தக்காளி, மிளகாய் ஆகியவற்றை நறுக்கிக் கொள்ளவும். பின் தேங்காய்ப் பால் எடுத்துக்கொள்ளவும்.

பின் குக்கரில் ஆட்டுக்கால், வெங்காயம், தக்காளி, மிளகாய் ஆகியவற்றைப் போட்டு வதக்கவும். அதன் பிறகு மஞ்சள் தூள், தனியாதூள், மிளகாய்த்தூள், உப்பு ஆகியவற்றை சேர்த்து தேவையான அளவு தண்ணீர் ஊற்றி வேக விடவும்.

10 விசில் கழித்து கால் வெந்ததா என்று பார்த்தப் பிறகு தேங்காய்ப்பாலை ஊற்றி கொதிக்கவிட்டு இறக்கவும். பாயாவை இறக்கும் முன் மிளகுத்தூள் சேர்த்து இறக்கவும்.
இதோ சுவையான பெப்பர் பாயா ரெடி!!!

English summary

Pepper Paya is quite popular in Tamil Nadu. It is fondly called as aattu kaal soopu. Above is the recipe to prepare a mouth watering pepper paya.

சுவையான சன்னா மசாலா கிரேவி

                                           

சன்னா சத்தானது குழந்தைகளுக்கு விருப்பமானது. இதனை சுண்டல் செய்வதோடு இல்லாமல் கிரேவியாகவும் சமைத்து சாப்பிடலாம். சுவையாக சன்னா மசாலாவை குழந்தைகள் விரும்பி சாப்பிடுவார்கள்

தேவையான பொருட்கள்

சன்னா – 1 கப்

சின்ன வெங்காயம் – 100 கிராம்

தக்காளி-3

மிளகாய்த் தூள் -2 டீஸ்பூன்

தனியா தூள் – 1 டீஸ்பூன்

மஞ்சள் தூள் - கால் டீஸ்பூன்

தேங்காய் அரைத்தது – 1 கப்

சீரகம் – அரை டீஸ்பூன்

பட்டை – 1

உப்பு – தேவையான அளவு

எண்ணெய் – 2 டேபிள் ஸ்பூன்.

சன்னா செய்முறை

சன்னாவை 7 மணி நேரம் நன்கு ஊறவிட்டு குக்கரில் வேகவையுங்கள். 5 விசில் வரை விடவும்.

சின்ன வெங்காயம், தக்காளியை பொடியாக நறுக்கி வைக்கவும். கடாயில் எண்ணெயைக் காயவைத்து, வெங்காயம், தக்காளி போட்டு நன்கு வதக்கவும். இத்துடன் மஞ்சள் தூள், மிளகாய்த் தூள், தனியா தூள், உப்பு சேர்த்து எண்ணெய் பிரியும் வதக்குங்கள். தண்ணீர் சேர்த்து நன்கு கொதிக்க விடுங்கள். இத்துடன் சன்னா சேர்க்கவும். 5 நிமிடம் கழித்து அரைத்து வைத்துள்ள தேங்காயை ஊற்றி ஸ்டவ்வை மிதமாக எரிய விடவும். மற்றொரு கடாயில் எண்ணெயைக் காயவைத்து, கடுகு, சின்ன வெங்காயம், கறிவேப்பிலை,பட்டை,சீரகம் சேர்த்து தாளித்து மசாலாவில் சேர்க்கவும். சுவையான சன்னா மசாலா ரெடி.

இட்லி, பிரெட், சப்பாத்தி, பூரிக்கு சத்தான சைட் டிஷ் இது!

English summary

Channa masala gravy very tasty and mouth watering dish

ஈஸியான... முட்டை பணியாரம்!

                                            

முட்டை உடலுக்கு மிகவும் சிறந்த ஒன்று. அந்த முட்டையை சில குழந்தைகள் சாப்பிட அடம்பிடிப்பாங்க, அவங்களுக்கு பணியாரம் போல் கொஞ்சம் வித்தியாசமாக செய்து கொடுத்து சாப்பிட வைப்போமா!!!

தேவையான பொருட்கள் :

முட்டை - 2
வெங்காயம் - 1
கறிவேப்பிலை - 4 இலைகள்
மிளகுதூள் - கால் ஸ்பூன்
உப்பு - தேவையான அளவு

செய்முறை :

முதலில் வெங்காயத்தை சிறிது சிறிதாக நறுக்கி வைத்துக் கொள்ளவும். பின் ஒரு பாத்திரத்தில் முட்டையை உடைத்து ஊற்றிக் கொள்ளவும். அதில் வெங்காயம், கறிவேப்பிலை, மிளகுதூள், உப்பு ஆகியவற்றைச் சேர்த்து நன்றாக அடித்துக் கொள்ளவும்.

அடுப்பில் பணியாரக்கல்லை வைத்து கொஞ்சம் எண்ணெய் ஊற்றி, கல் காய்ந்ததும் முட்டை கலவையை சிறிதுச் சிறிதாக குழிக்குள் ஊற்றவும்.

ஒரு பக்கம் வெந்ததும் மறுப்பக்கம் திருப்பி போட்டு வேக விடவும். இருபக்கமும் நன்றாக பணியாரம் வெந்தததும் எடுத்து விடவும்.

இப்போது சுவையான, ஈஸியான முட்டை பணியாரம் ரெடி!!!

English summary

Make delicious and healthy egg paniyaram using this simple recipe from Awesome Cuisine.

காரசாரமான நண்டு வறுவல்!!!

                                     

நண்டு வறுவல் ஒரு காரசாரமான சௌத் இந்தியன் செட்டிநாடு ரெசிபி.

தேவையான பொருட்கள் :

நண்டு - ஒரு கிலோ
பெரிய வெங்காயம் - இரண்டு
தக்காளி - இரண்டு
இஞ்சிபூண்டு விழுது - 1 ஸ்பூன்
தேங்காய் - அரை மூடி
மஞ்சள் தூள் - அரை ஸ்பூன்
மிளகாய் தூள் - நான்கு ஸ்பூன்
எண்ணெய், உப்பு - தேவையான அளவு

செய்முறை :

முதலில் நண்டை நன்கு சுத்தம் செய்து கொள்ளவும். பின் வெங்காயம், தக்காளியை சிறிது சிறிதாக நறுக்கிக் கொள்ளவும். தேங்காயை அரைத்து வைத்துக் கொள்ளவும்.

பிறகு வாணலியை அடுப்பில் வைத்து எண்ணெய் ஊற்றி நறுக்கிய வெங்காயம், தக்காளி, இஞ்சிபூண்டு விழுது ஆகியவற்றைச் சேர்த்து நன்றாக வதக்கவும். பின் மஞ்சள் தூள் ,மிளகாய் தூள் சேர்த்து மிளகாய் வாசம் போகும் வரை வதக்கவும். அத்துடன் தேவையான அளவு தண்ணீர், உப்பு சேர்க்கவும்.

இறுதியில் நண்டை அதில் போட்டு அரைத்து வைத்துள்ள தேங்காய் சேர்த்து நன்கு கொதிக்க வைக்கவும். பிறகு தண்ணீர் வற்றியதும் இறக்கவும். இதோ சூடான சுவையான நண்டு வறுவல் ரெடி!!!

English summary

Make delicious crab varuval using this simple recipe from Awesome Cuisine.

சிக்கன் பக்கோடா

                                        

சிக்கனில் நாம் இதுவரை சிக்கன் 65, சில்லி சிக்கன், சிக்கன் கிரேவி என்று தான் நம் வீட்டில் உள்ளோருக்கு செய்து கொடுத்திருப்போம். இப்ப கொஞ்சம் வித்தியாசமா, டேஸ்டியா சிக்கன் பக்கோடா செஞ்சு அசத்துவோமா!!!

தேவையான பொருட்கள் :

எலும்பில்லாத சிக்கன் - 250 கிராம்
பெரிய வெங்காயம் - ஒன்று
மஞ்சள் தூள் - சிறிதளவு
இஞ்சிபூண்டு விழுது - 1/2 ஸ்பூன்
மிளகாய் தூள் - 1 1/2 ஸ்பூன்

சாட் மசாலா - 1/4 ஸ்பூன்
சீரக தூள் - 1/4 ஸ்பூன்
கரம்மசாலா தூள் - 1/4 ஸ்பூன்
கடலை மாவு - 5 ஸ்பூன்
கார்ன் ப்ளார் - 5 ஸ்பூன்
சோடா உப்பு - சிறிதளவு
கேசரி பவுடர் - சிறிதளவு
ஓமம் - சிறிதளவு
உப்பு - தேவையான அளவு
எண்ணெய் - பொரிக்க தேவையான அளவு

செய்முறை :

முதலில் எலும்பில்லாத சிக்கனை நன்கு கழுவி தண்ணீர் இல்லாமல் வடித்து கொள்ளவும். பின் சிக்கனை மிக்ஸி அல்லது ஷாப்பரில் போட்டு கொத்துகறி போல் அரைத்து எடுத்து கொள்ளவும் (நைசாக அரைக்க வேண்டாம்). வெங்காயத்தை சிறியதாக நறுக்கி கொள்ளவும்.

பிறகு அந்த சிக்கனுடன் இஞ்சிபூண்டு விழுது, நறுக்கிய வெங்காயம், மஞ்சள் தூள், மிளகாய் தூள், சாட் மசாலா, சீரக தூள், கரம்மசாலா தூள், உப்பு ஆகிய அனைத்தையும் சேர்த்து பிசைந்து சிறிது நேரம் ஊற வைத்துக் கொள்ளவும்.

பின் கடலை மாவு, கார்ன் ஃப்ளார், மிளகாய் தூள், ஓமம், சோடா உப்பு, உப்பு, கேசரி பவுடர் ஆகியவற்றை தண்ணீர் சேர்த்து பஜ்ஜி மாவு பதத்திற்கு கரைத்து வைத்துக் கொள்ளவும்.

தனியாக பிசைந்து ஊற வைத்துள்ள சிக்கனை சிறு சிறு உருண்டைகளாக உருட்டி வைத்துக் கொள்ளவும்.

பின் சிக்கன் உருண்டையை மாவிற்குள் போட்டு முக்கி எடுக்காமல், கையை மாவில் நனைத்து, அந்த மாவை சிக்கன் உருண்டை மேல் தடவ வேண்டும். (சிக்கனை மாவிற்குள் போட்டு முக்கி எடுத்தால் சிக்கனை விட மாவு நிறைய இருப்பது போல் காணப்படும்.)

பிறகு அந்த சிக்கனை எண்ணெயில் பொரித்து எடுக்கவும்.

இப்போது சுவையான சிக்கன் பக்கோடா ரெடி!!!

இதன் மேல் சிறிது எலுமிச்சை சாற்றை ஊற்றி சாப்பிட்டால் இன்னும் சுவையாக இருக்கும்.

English summary

Make delicious chicken pakora using this simple recipe from Awesome Cuisine.

ஈஸியான...கேரட் சாலட்

                                         

கேரட் சாலட், குழந்தைகளுக்கு ஏற்ற ஆரோக்கியமான ஒரு ஈவினிங் ஸ்நாக்ஸ். இதில் உள்ள கேரட் கண்களுக்கு மிகவும் நல்லது. சரி, கேரட் சாலட் செய்யலாமா!!!

தேவையான பொருட்கள் :

பெரிய கேரட் - 2
பச்சைமிளகாய் - 1
வெங்காயம் (சிறியது) - 1
எலுமிச்சை சாறு - 1 1/2 ஸ்பூன்
மிளகுத் தூள் - 1/2 ஸ்பூன்
மல்லித்தழை - சிறிது
உப்பு - தேவையான அளவு

செய்முறை :

முதலில் கேரட்டை தோல் நீக்கி மெலிதாக துருவிக் கொள்ளவும்.

பின் வெங்காயத்தை நீள நீளமாக மெல்லிய துண்டுகளாக வெட்டிக் கொள்ளவும்.

பச்சை மிளகாயை நீளமாக கீறி, அதை கத்தியால் பொடியாக நறுக்கி, மல்லி இலையையும் பொடியாக நறுக்கிக் கொள்ளவும்.

பின் எல்லாப் பொருட்களையும் ஒரு பௌலில் போட்டு, அதில் எலுமிச்சைச்சாற்றை விட்டு கலந்து பரிமாறவும்.

இதோ ஈஸியான கேரட் சாலட் ரெடி!

English summary

Make delicious carrot salad using this simple recipe from Awesome Cuisine.

பானி பூரி

                                        

வட இந்திய உணவுகளின் சுவை என்றால் குழந்தைகளுக்கு மிகவும் பிடிக்கும். அதிலும் பானி பூனி என்றால் பிடிக்காத குழந்தைகளே இல்லை. பானி பூனி சாப்பிட வேண்டுமென்றால் கடைக்கு தான் இதுவரை சென்றிருந்தோம். ஆனால் இப்போது பானி பூரியை வீட்டிலேயே செய்யலாம். அது எப்படி செய்வதென்று பார்ப்போம்.

தேவையான பொருட்கள்:

பூரிக்கு:

மைதா - 1 கப்
ரவை - 50 கிராம்
தண்ணீர் - தேவையான அளவு
உப்பு - தேவையான அளவு
எண்ணெய் - தேவையான அளவு

பானிக்கு:

புதினா - 1/2 கட்டு
கொத்தமல்லி தழை - 1/2 கட்டு
பச்சை மிளகாய் - 4
வெல்லம்- 50 கிராம்
புளி - 50 கிராம்
சீரகத்தூள் - 1/2 ஸ்பூன்
உப்பு - தேவையான அளவு
தண்ணீர் - தேவையான அளவு

பூரிக்குள் வைக்க:

உருளைக்கிழங்கு - 2
சீரகத்தூள் - 1/2 ஸ்பூன்
மிளகாய் தூள் - 1 ஸ்பூன்
மஞ்சள் தூள் - 1 சிட்டிகை
உப்பு - தேவையான அளவு

செய்முறை:

முதலில் உருளைக் கிழங்கை வேக வைத்து, நன்கு உதிர்த்துக் கொள்ளவும். பின் அத்துடன் சீரகத்தூள், உப்பு, மிளகாய் தூள், மஞ்சள் தூள் ஆகியவற்றைப் போட்டு கலந்து,

மசாலா செய்து வைத்துக் கொள்ளவும். பின் பூரி செய்வதற்கு மைதா, ரவை, தண்ணீர், உப்பு போன்றவற்றைப் போட்டு மாவை பிசைந்து கொண்டு அதனை சிறு சிறு உருண்டைகளாக உருட்டி, சிறிது நேரம் ஊற வைக்கவும்.

சற்று நேரம் கழித்து அந்த உருண்டைகளை தேய்த்து வாணலியில் எண்ணெய் விட்டு, எண்ணெய் காய்ந்ததும் தேய்த்த உருண்டைகளை சிறு பூரிகளாக பொரிக்க வேண்டும். பூரியானது சிறிதாக இருக்க வேண்டும்.

பிறகு புளியை நீரில் ஊற வைத்து, நன்கு பிசைந்து நீரை வடிகட்டிக் கொள்ளவும். வெல்லத்தையும் நீரில் கரைத்து வடிகட்டிக் கொள்ளவும்.

பின் புதினா, கொத்தமல்லித் தழை ஆகியவற்றை நன்கு கழுவி அதை மிக்ஸியில் போட்டு, அதோடு

பச்சை மிளகாய், சீரகத்தூள், உப்பு போட்டு அரைத்துக் கொள்ளவும். ஒரு பாத்திரத்தில் அரைத்த அந்த கலவையோடு புளி நீரையும், வெல்ல நீரையும் விட்டு கலந்து கொள்ளவும்.

இப்போது பூரியின் நடுவில் ஒரு ஓட்டை போட்டு, அதில் அந்த உருளைக்கிழங்கு மசாலாவை வைத்து பின் அந்த புளி நீரை உள்ளே ஊற்றி சாப்பிட வேண்டும். இப்போது சுவையான பானி பூரி ரெடி!!!

English summary

Make delicious pani puri using this simple recipe from Awesome Cuisine.

'நா' ஊறும் ஆலு-65!!!

                                     

உருளைக் கிழங்கின் விலை மலிவாக கிடைக்கும் நேரத்தில் நாம் அந்த உருளைக்கிழங்கை வைத்து நிறைய ரெசிபி செய்திருப்போம். அதில் நாக்கு ஊற வைக்கும் அளவு ஒரு ரெசிபி செய்து வீட்டிலுள்ளோரை அசத்த வேண்டுமென்றால், அதுக்கு ஆலு-65 தான் சிறந்தது. சரி, அதை செய்யலாமா!!!

தேவையான பொருட்கள் :

உருளைக்கிழங்கு - 5
வெங்காயம் - 3
பச்சை மிளகாய் - 3
தயிர் - 1 1/2 கப்
அஜினோமோட்டோ - 1/2 டீஸ்பூன்
மிளகாய்த்தூள் - 3/4 டீஸ்பூன்
பேக்கிங் பௌடர் - 1/4 டீஸ்பூன்
கரம் மசாலா தூள் - 1/4 டீஸ்பூன்
கடலை மாவு - 2 டேபிள் ஸ்பூன்
எண்ணெய் - தேவையான அளவு
உப்பு - தேவையான அளவு

செய்முறை :

1. முதலில் உருளைக்கிழங்கை குக்கரில் போட்டு வேக விடவும். பின் அதன் தோலை உரித்து, அதனை சதுரங்களாக நறுக்கிக் கொள்ளவும்.

2. பிறகு கடலை மாவோடு உப்பு, பேக்கிங் பௌடர் ஆகியவற்றைப் போட்டு கலந்து வைத்துக் கொள்ளவும்.

3. அடுப்பில் ஒரு வாணலியை வைத்து அதில் எண்ணெய் விட்டு, எண்ணெய் காய்ந்ததும் நறுக்கிய உருளைக்கிழங்கை அந்த கலவையில் போட்டு பிரட்டி, எண்ணெயில் பொரித்து எடுத்துக் கொள்ளவும்.

4. பின் தயிரை ஒரு துணியில் கட்டி தண்ணீர் வடிந்ததும், அந்த தயிர் சீசை நன்கு கடைந்து கொள்ளவும்.

5. பிறகு வெங்காயத்தையும், பச்சை மிளகாயையும் நீள நீளமாக அரிந்து கொள்ளவும்.

6. ஒரு வாணலியை அடுப்பில் வைத்து அதில் எண்ணெய் விட்டு மிளகாய், வெங்காயம், அஜினோமோட்டோ போட்டு வதக்கவும்.

7. பின் அதில் கடைந்து வைத்த தயிரை போட்டு, உப்பு, கரம் மசாலா தூள், மிளகாய்த்தூள் தூவி வதக்கவும்.

8. அதிலுள்ள பச்சை வாசனை போகும் வரை நன்கு வதக்கியப் பின், பொரித்து வைத்துள்ள உருளைக்கிழங்கை சேர்த்து வதக்க வேண்டும். வேண்டுமென்றால் தண்ணீர் ஊற்றி வதக்கலாம்.

9. மசாலா அனைத்தும் ஒன்று சேர்ந்ததும் சிறிது நேரம் கழித்து இறக்கி விடவும்.

இப்போது சுவையான ஆலு-65 ரெடி!!!

காரசாரமான...அசாரி கோஸ்ட் (மட்டன்)

                                      

மழைக்காலம், குளிர்காலம் என்றால் காரசாரமான ரெசிபி எதாவது சாப்பிடணும் போல இருக்கும். அப்ப இந்த அசாரி கோஸ்ட் (மட்டன்) ரெசிபி ரொம்ப நல்லா இருக்கும். அது எப்படி செய்வதென்று பார்ப்போமா!!!

தேவையான பொருட்கள் :

மட்டன் (1/2 இஞ்ச் எலும்புடன் கூடிய கறி) - 800 கிராம்
வெங்காயம் - 4
தக்காளி - 4
வரமிளகாய் - 8
கிராம்பு - 5
கடுகு - 1 டீஸ்பூன்
வெந்தயம் - 1/2 டீஸ்பூன்
சீரகம் - 1/2 டீஸ்பூன்
பெருஞ்சீரகம் - 1 டீஸ்பூன்
மஞ்சள் தூள் - 1 டீஸ்பூன்
மிளகாய்த்தூள் - 1 டீஸ்பூன்
இஞ்சிபூண்டு விழுது - 2 டீஸ்பூன்
எலுமிச்சைப்பழச்சாறு - 1 டேபிள் ஸ்பூன்
கடுகு எண்ணெய் - 7 டீஸ்பூன்
உப்பு - தேவையான அளவு
கொத்தமல்லி - தேவையான அளவு

செய்முறை :

1. முதலில் மட்டனை நன்கு கழுவி வைத்துக் கொள்ளவும். பின் வெங்காயம், தக்காளியை சிறிதாக நறுக்கி வைத்துக் கொள்ளவும்.

2. பிறகு வரமிளகாய், கடுகு, வெந்தயம், சீரகம், பெருஞ்சீரகம், கிராம்பு ஆகியவற்றை தனித்தனியாக வறுத்து, பின் அவற்றை குளிர வைத்து ஒன்றாக மிக்ஸியில் போட்டு அரைத்து பொடி செய்து கொள்ளவும்.

3. பின் ஒரு அகலமான வாணலியை அடுப்பில் வைத்து, அதில் கடுகு எண்ணெயை ஊற்றி, வெங்காயத்தை அதில் போட்டு பொன்னிறமாகும் வரை நன்கு வதக்கவும். பின் தக்காளி, இஞ்சிபூண்டு விழுதை சேர்த்து வதக்கவும்.

4. பிறகு அதில் அரைத்து வைத்துள்ள அந்த பொடியை போட்டு சிறிது நேரம் நன்கு கிளரவும்.

5. அடுத்து அதில் கழுவிய மட்டனை சேர்த்து நன்கு பிரட்டவும். பின் அத்துடன் மஞ்சள் தூள், மிளகாய்த்தூள் மற்றும் உப்பு சேர்த்து நன்கு கிளரவும். அதில் ஊற்றிய எண்ணெயும், மசாலாவும் தனியாக பிரியும் வரை பிரட்ட வேண்டும்.

6. பின் அதில் இரண்டு கப் தண்ணீரை ஊற்றி, மூடி போட்டு மூடிவிட்டு அரைத் தீயில் வைத்து மட்டன் வேகும் வரை வேக விடவும்.

7. மட்டன் வெந்ததும், அதில் எலுமிச்சைப்பழச்சாற்றை விட்டு கிளரி இறக்கி விடவும்.

8. இறுதியாக நறுக்கிய கொத்தமல்லியை அதன் மேல் தூவி பரிமாறலாம்.

இதோ சுவையான, காரசாரமான அசாரி கோஸ்ட் ரெடி!!!

English summary

Make delicious achari gosht (mutton) using this simple recipe from awesome cuisine.

மொறுமொறு... சிக்கன் ஃபிங்கர்ஸ்

                                     

வார இறுதி வந்தால் எல்லோர் வீடுகளிலும் சிக்கன், மட்டன் என்று செய்து, நன்றாக ஒரு கட்டு கட்டுவார்கள். அதிலும் குழந்தைகளுக்கு சிக்கன் 65 என்றால் மிகவும் பிடிக்கும். இப்போது சற்று வித்தியாசமாக வீட்டில் உள்ளோர்க்கு ஃபிங்கர் பிஸ் போல் மொறுமொறுவென்று சிக்கன் ஃபிங்கர்ஸ் செய்து கொடுத்து அவர்களை மகிழ்விப்போமா!!!

தேவையான பொருட்கள்:

சிக்கன் (1/2 இஞ்ச் நீளமான எலும்பில்லாத கறி) - 1/4 கிலோ

முட்டை - 1

மோர் - 1 கப்

இஞ்சிபூண்டு விழுது - 1 1/2 டீஸ்பூன்

மைதா - 1 கப்

பிரட் தூள் - 1 கப்

உப்பு - 1 டீஸ்பூன்

மிளகுத்தூள் - 1 டீஸ்பூன்

பேக்கிங் பௌடர் - 1 டீஸ்பூன்

எண்ணெய் - தேவையான அளவு

செய்முறை :

1. முதலில் ஒரு பாத்திரத்தில் முட்டையை உடைத்து ஊற்றி நன்கு அடித்துக் கொள்ளவும். பின் அதில் மோர், இஞ்சிபூண்டு விழுது, உப்பு போட்டு கலக்கிக் கொள்ளவும்.

2. பின் சிக்கனை நன்கு கழுவி அந்த கலவையில் போட்டு பிரட்டி வைத்து, 3 மணிநேரம் ஃப்ரிட்ஜில் வைத்து ஊற வைக்கவும்.

3. பிறகு ஒரு சிறு பாத்திரத்தில் மைதா, உப்பு மற்றும் பேக்கிங் பௌடரை நீரில் கரைத்து வைத்துக் கொள்ளவும்.

4. பின் ஃப்ரிட்ஜில் இருந்து சிக்கனை எடுத்து, அதில் உள்ள மோர் கலவையை முற்றிலும் வடித்து விடவும்.

5. ஒரு வாணலியை அடுப்பில் வைத்து, அதில் எண்ணெய் ஊற்றி சூடேற்றவும்.

6. பிறகு வடிகட்டிய அந்த சிக்கன் துண்டுகளை மைதா கலவையில் நனைத்து, பிரட் தூளில் பிரட்டி, எண்ணெயில் போட்டு பொன்னிறமாக பொரித்து எடுக்கவும்.

7. பின் பொரித்த சிக்கனை ஒரு தட்டில் வைத்து அதன் மேல் மிளகுத்தூளைத் தூவி பரிமாறவும். வேண்டுமென்றால் அதன் மேல் எலுமிச்சைபழச்சாற்றை பிளிந்தும் சாப்பிடலாம்.

இப்போது சுவையான மொறுமொறு சிக்கன் ஃபிங்கர்ஸ் ரெடி!!! இந்த சிக்கன் ஃபிங்கர்ஸ்-ஐ சாஸோடு தொட்டு சாப்பிட்டால் மிகவும் அருமையாக இருக்கும்.

English summary

Make delicious chicken fingers using this simple recipe from awesome cuisine.

சுவையான முட்டைகோஸ் பருப்பு கூட்டு...

                                     

உடல் வளர்ச்சிக்கு முட்டை கோஸ் மிகவும் சிறந்தது. மேலும் உடலுக்கு ஊட்டம் தரும் சிறந்த உணவாகும். இது கண் பார்வைக் கோளாறுகளைப் போக்கும் திறன் கொண்டது. இந்த முட்டைக் கோஸை கூட்டு செய்து சாப்பிட்டால் நன்றாக சுவையாக இருக்கும். இத்தகைய சுவையான கூட்டை எப்படி செய்வதென்று பார்ப்போமா!!!

தேவையான பொருட்கள் :

முட்டைகோஸ் - 1 கப்
வெங்காயம் - 3
தக்காளி - 2
துருவிய தேங்காய் - 1/2 கப்
சீரகம் - 1 டீஸ்பூன்
பாசிப்பருப்பு - 1/2 கப்
மஞ்சள் தூள் - 1/4 டீஸ்பூன்
மிளகாய்தூள் - 2 டீஸ்பூன்
உப்பு - தேவையான அளவு

தாளிக்க :

வெங்காயம் - சிறிது
கடுகு - 1/4 டீஸ்பூன்
உளுத்தம் பருப்பு - 1/4 டீஸ்பூன்
கறிவேப்பிலை - சிறிது
எண்ணெய் - தேவையான அளவு

செய்முறை :

முதலில் வெங்காயம், தக்காளி மற்றும் முட்டைக்கோஸை பொடியாக நறுக்கி வைத்துக் கொள்ளவும். பின் அந்த முட்டைக் கோஸை நீரில் கழுவி வைத்துக் கொள்ளவும்.

அடுத்து மிக்ஸியில் துருவிய தேங்காய், சீரகம் போட்டு நன்கு அரைத்துக் கொள்ளவும். பிறகு அந்த பாசிப்பருப்பை கழுவி வைத்துக் கொள்ளவும்.

பின் அடுப்பில் ஒரு வாணலியை வைத்து அதில் கழுவிய பாசிப்பருப்பை போட்டு தேவையான தண்ணீர் விட்டு மஞ்சள் தூள், மிளகாய்தூள் சேர்த்து வேக வைக்கவும்.

பருப்பானது பாதி அளவு வெந்தவுடன் அதில் நறுக்கிய முட்டைக் கோஸ், வெங்காயம், தக்காளி மற்றும் அரைத்த தேங்காய் கலவையைச் சேர்த்து, தேவையான அளவு தண்ணீர் விட்டு, மூடி போட்டு வேக வைக்கவும். பின் அவை அனைத்தும் வெந்தவுடன் அதனை இறக்கி வைக்கவும்.

பிறகு ஒரு சிறு வாணலியை அடுப்பில் வைத்து அதில் சிறிது எண்ணெய் ஊற்றி, கடுகு, உளுத்தம் பருப்பு, கறிவேப்பிலை, வெங்காயம் சேர்த்து வதக்கி தாளித்து, அந்த பருப்புக் கலவையில் கொட்டவும்.

இப்போது அருமையான முட்டைகோஸ் பருப்பு கூட்டு தயார்!!! இதனை சாதத்திற்கும், சாப்பாத்திக்கும் தொட்டு சாப்பிட்டால் சுவையாக இருக்கும்.

English summary

Make delicious cabbage dhal kootu using this simple recipe from awesome cuisine.

சுவையான மீன் வடை

                                      

மீனை குழம்பு, வறுவல், ப்ரை என விதவிதமாக சமைத்து சாப்பிட்டிருப்பீர்கள். அதேபோல் மீன் வடையின் சுவை அலாதியானது. அதிகம் முள் இல்லாத மீன்தான் வடை செய்ய ஏற்றது.

தேவையான பொருட்கள்

மீன் துண்டுகள் - 500 கிராம்
முட்டை - 1
உருளைக்கிழங்கு - 100 கிராம்
மிளகாய்த்தூள் - 1 டேபிள் ஸ்பூன்

பச்சைமிளகாய் - 3
உப்பு - தேவையான அளவு
எண்ணெய் - பொரிக்க

வடை செய்முறை

மீனை கழுவி சுத்தம் செய்து வானலியில் சிறிதளவு நீர்விட்டு வேக வைக்கவும். பின்னர் அதை எடுத்து முள், தோல் நீக்கி நன்கு பிசையவும்.

உருளைக்கிழங்கை வேகவைத்து, தோல் உரித்து நன்கு மசிக்கவும்.

வெங்காயம், பச்சை மிளகாயைப் பொடியாக வெட்டவும்.

மீன், உருளைக்கிழங்கு, மிளகாய்த் தூள், வெட்டிய வெங்காயம், பச்சை மிளகாய், உப்பு, முட்டை எல்லாம் சேர்த்து நன்கு பிசைந்து கொள்ளவும். எண்ணெயைக் காய வைத்து சிறுசிறு வடைகளாகத் தட்டிப் போட்டு பொன்னிறமாக சிவந்ததும் எடுக்கவும். ருசியான மீன் வடை தயார். இதை தோசைக்கல்லில் தட்டி வைத்து கட்லெட் போல செய்யலாம். சுவை சூப்பராக இருக்கும்.

English summary

Fish Cutlets. Let see what you need for fish vadai.

உருளைக்கிழங்கு முட்டை கிரேவி

                                       

உருளைக்கிழங்கு என்றால் பிடிக்காதவர்களே இருக்கமாட்டார்கள். அத்தகைய உருளைக்கிழங்கை முட்டையுடன் சேர்த்து கிரேவி போல் செய்து சப்பாத்தி, பூரியுடன் சைடு டிஸ்-ஆக தொட்டு சாப்பிட்டால் மிகவும் சுவையாக இருக்கும். அந்த உருளைக்கிழங்கு முட்டை கிரேவியை எப்படி செய்வதென்று பார்ப்போமா!!!

தேவையான பொருட்கள் :

முட்டை - 4
உருளைக்கிழங்கு - 3
வெங்காயம் - 1
தக்காளி - 1
பட்டை - 2
கிராம்பு - 4
மிளகாய்த்தூள் - 2 டீஸ்பூன்
சோம்பு - 2 டீஸ்பூன்
எண்ணெய் - தேவையான அளவு
உப்பு - தேவையான அளவு

செய்முறை :

முதலில் முட்டையை வேக வைத்துக் கொள்ளவும். பின் வேக வைத்த ஒவ்வொரு முட்டையையும் இரண்டாக வெட்டிக் கொள்ளவும்.

பிறகு உருளைக்கிழங்கை நன்கு வேகவைத்து, அதன் தோலை உரித்து விட்டு, சிறு சிறு துண்டுகளாக வெட்டிக் கொள்ளவும். அடுத்து தக்காளி மற்றும் வெங்காயத்தையும் சிறிதாக நறுக்கிக் கொள்ளவும்.

பின் மிக்ஸியில் பட்டை, கிராம்பு மற்றும் சோம்பை போட்டு, நன்கு அரைத்துக் கொள்ளவும்.

ஒரு வாணலியை அடுப்பில் வைத்து சூடானதும், அதில் எண்ணெய் ஊற்றி, நறுக்கிய வெங்காயம், தக்காளி, மிளகாய்த்தூள் மற்றும் அரைத்த கலவையை சேர்த்து நன்கு வதக்கவும்.

பிறகு அதில் உருளைக்கிழங்கை போட்டு, 1/2 கப் தண்ணீரை விட்டு, சிறிது உப்பு சேர்த்து கிரேவி போல் கிளரவும்.

மசாலாவானது நன்கு கொதித்ததும், அதில் முட்டையை போட்டு, 2 நிமிடம் பிரட்டவும். ஏனெனில் அப்போது தான் மசாலாவானது முட்டையுடன் சேரும்.

பிறகு அதனை இறக்கி, அதன் மேல் கொத்தமல்லியைத் தூவி பரிமாறலாம். இப்போது சுவையான உருளைக்கிழங்கு முட்டை கிரேவி ரெடி!!!

English summary

Make delicious potato egg gravy using this simple recipe from awesome cuisine.

சுவையான... ஆலு பரோட்டா

                                       

பரோட்டா என்றால் குழந்தைகளுக்கு மிகவும் பிடிக்கும். அந்த பரோட்டாவை நாம் இதுவரை ஹோட்டலில் தான் வாங்கி தந்திருப்போம். ஆனால் அந்த பரோட்டாவை வீட்டிலேயே எந்த ஒரு சைடு டிஸ்-ம் இல்லாமல் ஈஸியாக, சுவையாக செய்யலாம். அது எப்படியென்று படித்து பாருங்களேன்...

தேவையான பொருட்கள்:

உருளைக்கிழங்கு - 4

மைதா மாவு - 4 கப்

பச்சைமிளகாய் - 1

சீரகம் - 1 டீஸ்பூன்

சீரகத்தூள் - 1 டீஸ்பூன்

மசாலாத் தூள் - 1 டீஸ்பூன்

மிளகாய்த் தூள் - 1/2 டீஸ்பூன்

கொத்தமல்லி தூள் - 1/2 டீஸ்பூன்

கரம்மசாலா பொடி - 1 1/2 டீஸ்பூன்

சோம்புத்தூள் - சிறிது

உப்பு - தேவையான அளவு

மஞ்சள்தூள் - தேவையான அளவு

எண்ணெய் - தேவையான அளவு

செய்முறை:

ஒரு பாத்திரத்தில் மைதா மாவைப் போட்டு, அதில் தேவையான அளவு உப்பு, தண்ணீர் சேர்த்து நன்கு பிசைந்து, மாவை மூடி வைத்து ஊற விடவும். பின் பச்சை மிளகாயை சிறிது சிறிதாக நறுக்கிக் கொள்ளவும்.

பிறகு குக்கரில் உருளைக் கிழங்கு, சிறிது மஞ்சள்தூள், உப்பு சேர்த்து தேவையான அளவு தண்ணீர் ஊற்றி வேக வைத்துக் கொள்ளவும். சிறிது நேரம் கழித்து, உருளைக் கிழங்கின் தோலை உரித்துவிட்டு நன்கு மசித்துக் கொள்ளவும்.

பின் அந்த மசித்த உருளைக்கிழங்கில் சீரகத்தூள், மசாலாத் தூள், மிளகாய்த் தூள், கொத்தமல்லி தூள், கரம்மசாலா பொடி, சோம்புத்தூள், நறுக்கிய பச்சைமிளகாய், உப்பு சேர்த்து நன்கு பிசைந்து கொள்ளவும்.

ஒரு வாணலியை அடுப்பில் வைத்து, சிறிது எண்ணெய் ஊற்றி சீரகம் போட்டு தாளிக்கவும். பின் அதோடு மசித்து வைத்துள்ள உருளைக்கிழங்கு கலவையை போட்டு நன்கு கிளறவும். மசாலா வாசனை போகும் வரை கிளறி, பின்னர் இறக்கி வைத்து ஆறவிடவும்.

பிறகு பிசைந்து வைத்துள்ள மைதா மாவை சிறு சிறு உருண்டைகளாக உருட்டி வைத்துக் கொள்ளவும். பின் ஒரு உருண்டையை எடுத்துக் கொண்டு, மைதா மாவில் லேசாக தேய்த்து, பின் வட்டமாக சப்பாத்திப் போல் தேய்க்கவும். அதன் மத்தியில் ஒரு ஸ்பூன் உருளை மசாலாவை வைக்கவும்.

பின் அதன் ஓரங்களை மடித்து மசாலா தெரியாதவாறு மூடவும். பிறகு அதனை எடுத்து வெறும் மைதா மாவில் தேய்த்து, மறுபடியும் சப்பாத்திப் போல் தேய்க்கவும். இவ்வாறு செய்யும் போது மிகவும் கவனமாக தேய்க்க வேண்டும். அழுத்தி தேய்த்தால் உள்ளே வைத்துள்ள மசாலா வெளியில் வந்துவிடும். இதே போல் அனைத்து உருண்டைகளையும் பரோட்டா போல் செய்யவும்.

பின்னர் அடுப்பில் ஒரு தோசைக் கல்லை வைத்து, சிறிது எண்ணெய் ஊற்றி, தேய்த்து வைத்துள்ள பரோட்டாக்களில் ஒன்றை எடுத்துப் போட்டு, தீயை குறைத்து வைத்து வேக வைக்கவும். இரண்டு பக்கமும் திருப்பிப் போட்டு வேக வைத்து எடுக்கவும். இவ்வாறு அனைத்து பரோட்டாக்களையும் வேக வைத்து எடுக்கவும்.

இப்போது சுவையான ஆலு பரோட்டா ரெடி!!!

குறிப்பு: இதனை கோதுமை மாவிலும் செய்யலாம்.

English summary

Make delicious aloo parota using this simple recipe from awesome cuisine.

வாழைக்காய் மசாலா

                                 

வீட்டில் அதிகமாக வளர்க்கும் வாழை மரத்தின் ஒவ்வொரு பாகமும் பயன்படுகிறது. இதன் பழத்தை சாப்பிட்டால் உடலானது ஆரோக்கியமாக இருக்கும். இதன் இலையை உண்ணும் போது பயன்படுகிறது. இதன் காய் சமைத்து உண்ண பயன்படுகிறது. அதிலும் இதன் காயை மசாலா போல் செய்து சாப்பிட்டால் மிகவும் அருமையாக இருப்பதோடு, குழந்தைகளுக்கும் மிகவும் பிடித்தவாறு இருக்கும். அதிலும் இதனை சப்பாத்தி, சாப்பாடு கூட சாப்பிட்டால் மிகவும் அருமையாக இருக்கும். அது எப்படியென்று பார்க்கலாமா!!!

தேவையான பொருட்கள் :

வாழைக்காய் - 2
வெங்காயம் - 4
தக்காளி - 3
இஞ்சிபூண்டு விழுது - 2 டீஸ்பூன்
கரம்மசாலா தூள் - 1/2 டீஸ்பூன்
மிளகாய் தூள் - 1 டீஸ்பூன்
சீரகத்தூள் - 1/2 டீஸ்பூன்
கடுகுத்தூள் - 1/2 டீஸ்பூன்
கடுகுத்தூள் - 1/2 டீஸ்பூன்
எண்ணெய் - தேவையான அளவு
உப்பு - தேவையான அளவு

செய்முறை :

முதலில் வெங்காயம் மற்றும் தக்காளியை நன்கு பொடியாக நறுக்கிக் கொள்ளவும். பின் வாழைக்காயை தோல் சீவி, சற்று விரல் நீளத்திற்கு நறுக்கிக் கொள்ளவும்.

பின் ஒரு வாணலியை அடுப்பில் வைத்து, பொரித்தெடுக்கும் அளவு எண்ணெய் ஊற்றி காய்ந்ததும், அதில் நறுக்கிய வாழைக்காயை பொன்னிறமாக பொரித்தெடுத்துக் கொள்ளவும்.

பிறகு மற்றொரு வாணலியை அடுப்பில் வைத்து, அதில் சிறிது எண்ணெய் ஊற்றி, நறுக்கிய வெங்காயம் மற்றும் இஞ்சிபூண்டு விழுது சேர்த்து பொன்னிறமாக வதக்கவும்.

பின் அதில் தக்காளி சேர்த்து வதக்கி, மிளகாய் தூள், கரம்மசாலா தூள், சீரகத்தூள் சேர்த்து நன்கு வதக்கவும். சில நிமிடங்கள் கழித்து பொரித்தெடுத்த வாழைக்காயை சேர்த்து வதக்கி, தேவையான அளவு தண்ணீர் விட்டு, பச்சை வாசனை போகும் வரை நன்கு கொதிக்கவிடவும்.

குழம்பு ஓரளவு கெட்டியாகும் போது அதில் கடுகுத்தூள், கடுகுத்தூள் சேர்த்து கிளறி, சிறிது கொத்தமல்லியை நறுக்கி மேலே தூவி விடவும்.

இப்போது அருமையான வாழைக்காய் மசாலா ரெடி!!!

English summary

Make delicious raw banana masala using this simple recipe from awesome cuisine.

சாஹி மட்டன் குருமா!!!

                                        

மட்டன் பிடிக்காதவர்கள் எவரும் இருக்கமாட்டார்கள். அந்த மட்டனை இதுவரை குழம்பு, வறுவல் என்று செய்து வீட்டில் உள்ளோருக்கு கொடுத்திருப்போம். ஆனால் இப்போது அந்த மட்டனை வைத்து கொஞ்சம் வித்தியாசமாக செய்து கொடுத்து நல்ல பாராட்டைப் பெற, சாஹி மட்டன் குருமா சிறந்தது. அது எப்படி செய்வதென்று பார்ப்போமா!!!

தேவையான பொருட்கள் :

எலும்பில்லாத மட்டன் - 600 கிராம்
வெங்காயம் - 3
எண்ணெய் - 3 டேபிள் ஸ்பூன்
ஏலக்காய் - 3
கிராம்பு - 4
இலவங்க பட்டை - 1
மிளகு - 7
இஞ்சிபூண்டு விழுது - 3 டீஸ்பூன்
மல்லிப் பொடி - 1 டேபிள் ஸ்பூன்
மிளகாய் தூள் - 1 1/2 டீஸ்பூன்
தயிர் - 1/2 கப்
முந்திரி பேஸ்ட் - 1/4 கப்
கரம் மசாலா பொடி - 1 டீஸ்பூன்
கிரீம் - 1/2 கப்
உப்பு - தேவையான அளவு

செய்முறை :

மட்டனை ஒரு இன்ச் சதுரங்களாக வெட்டிக் கொள்ளவும். பின் அதனை நன்கு சுத்தமாக கழுவி வைத்துக் கொள்ளவும்.

வெங்காயத்தை நறுக்கிக் கொள்ளவும். பிறகு ஒரு வாணலியை அடுப்பில் வைத்து அதில் எண்ணெய் ஊற்றி காய வைக்கவும்.

பின் அதில் இலவங்க பட்டை, கிராம்பு, ஏலக்காய், மிளகு சேர்த்து நன்கு மணம் வரும் வரை வதக்கவும்.

பிறகு நறுக்கிய வெங்காயத்தை சேர்த்து பொன்னிறமாக வதக்கவும்.

அதோடு இஞ்சிபூண்டு விழுது சேர்த்து நன்கு 1 நிமிடம் தொடர்ந்து வதக்கவும். முக்கியமாக அடி பிடிக்காமல் பார்த்துக் கொள்ளவும். பின் அதில் கழுவிய மட்டனை சேர்த்து, தீயை அதிகப்படுத்தி 3-4 நிமிடம் கிளறி வேகவிடவும்.

பின் மல்லிப் பொடி, மிளகாய் தூள் மற்றும் தேவையான அளவு உப்பு சேர்த்து கிளறி, மறுபடியும் 2-3 நிமிடம் வேக விடவும்,

அடுத்து தயிர் மற்றும் ஒரு கப் தண்ணீரை ஊற்றி நன்கு கொதிக்க விடவும். பின் தீயின் அளவை குறைத்து, மட்டனை தட்டை வைத்து மூடி, மட்டன் வேகும் வரை வேக விடவும்.

பிறகு அதில் முந்திரி பேஸ்ட் மற்றும் கரம் மசாலா பொடியை போட்டு, பச்சை வாசனை போகும் வரை நன்கு கொதிக்க விடவும். பின் அதில் கிரீமை சேர்த்து கிளறி 10 நிமிடம் வேக வைத்து இறக்கவும்.

இப்போது சுவையான சாஹி மட்டன் குருமா ரெடி!!!

English summary

Make delicious shahi mutton korma using this simple recipe from awesome cuisine.